semaforo - trenorama Modäuisäbahn Museum    
 

Ds Modäu Isäbahn Museum i dr finnische Stadt Kouvola isch ä richtige Stammtisch wo d´Lokinä uf äm Gring oder uf äm Rügge düä dä sumä fahre, mit richtigem Lärm pfiifä u wi näs Ross schnuufä und ganz ä huffe angeri Überraschige für euch parat het. Dir wärdet u dörfet näch de ou wider a eui eigeti Juget zrück dänkä. Dr bi werdet dr de mee aus gleitig aui miise Autagssorge ganz süferli u schnäu vergässe, we de hie die aute päbigä Dampfrösser dür Lanschaft bruuse.

Weisch Du wi nä Märmelibahn usgseht u wi si louft u tuet? Oder warum d´Loki i dr Usschteuig nid abegehit? Wi viu tonnä Cholä nit Chölä, pro Arbeitsschicht früecher ei Heizer fomä Dampfross gschuflet het? Oder was ä Reed Kontakt isch? Kennsch Du d´Zuekunft vo dr Isenbahn im Konteinervercheer oder di moderne Super ja sogar uverschämt schnäue Züg wo jiz hützutag, immer me u me dä sume suuse, mä chönt fasch bruusä säge, siiicher ?

We de Du Antwortä uf diä Frage möchtisch übercho, de muesch haut einisch äs kliis Reisli mache, u nach Finnland cho, id´s Modäuisebahnmuseum vo Kouvola! Hiä erfarsch d´Gschicht vo dr Modäuisebahn vo geschter bis hüt. Us dr Zit vo dä Bodälöifer bis zu dä nöischtä, modernä und zukunftsträchtigä digitalä Architekturä vo Märklin sim Sisteem.

Aui grossä Ching aber o d´Goofe, ob jitz di grossä oder di chliini, ob auti oder jungi, aui dörfä hiä ds Stür säuber i d´Häng nä u de sogar ou Sini eigätä Lokinä uf üsnä Schinä süferli iri Rundinä la dräjä!

Ärä Ussteuigsalag vo brima "Modellanlagenbau GmbH, Uwe Brilmayer, D-55435 Gau-Algesheim" im 99gi bouä het, wärdeter mit 26 Zügen wo de i dr Bougrösse H0 vo
märklin, Roco u Fleischmann d´ Zugsicherigstechnik, u däm wo ufmerksam zueäluegt, iidrücklich vorgfüert. D´Funktion vo dr Blocksicherig und dr Gleisfreisuechi bi rä Gleis bsetzig oder änerä Störig oder ou binämä Fahrplanwächsu tüemer zeige. D´Stüürig vom ganzä Brätsch macht di erfungni u bewährti Sach vo SOFTLOK "Modellbahnsteuerung Dipl.-Ing. W. Schapals D-87719 Mindelheim"

Lueg u dues säuber usprprobiere u mit dinä glänzigä Öigli aus zämä ganz guet beaugapflä. We Du Glück hesch, chasch zum Bischpiu gse u luegä wi nä Modäuisäbahn so richtig pützerlet, grepariert, u äbä nid gflickt wärdä, da drmit chöi Dini Schätz us dr Goofäzit dr Wärt würklich phautä u de ou nid verloore ga. Für d´Sammler, d´Krämer u angeri Stammtischfründä git´s würklich viu, Ihm viläch no nid bekannt´s ds entdeckä. Mi mues haut einisch ä nisch cho nä.

Mir würdä gärn d´Isebahnfiebär a di nächschti Generation witergä ungerem Motto:

 

Mir wei d´s Füür la brönnä, u nid d´Äschä abättä !
 

its Bärndütsch übärtreit vom Übu

 

 
     

Semaforo - Kouvolan Pienoisrautatiemuseo - Käyntiosoite: Asemakatu 2, 45100 KOUVOLA - PUH: +358 400 711 607